Allama 'Iqbal': the Urdu Poet ( in Urdu)

۔

                           

           ستاروں سے آگے جہاں اور بھی ہيں
           ابھی عشق کے امتحاں اور بھی ہيں
                                   
                      علامہ اقبال
 زندگی:

     مشرقی شاعر کے نام سے مشہور محمد اقبال کو علامہ اقبال کے طور پر جانا جاتا ہے۔ آپ اردو اور فارسی کے پائے کے شاعر ہونے کے ساتھ ایک فلسفی اور اچھے ادیب بھی تھے۔ برطانوی حکومت کے دوران آپ بیرسٹر بھی رہے ہیں۔ علّامہ اقبال کی پیدائش 9 نومبر 1877ء کو برطانوی ہندوستان (اب پاکستان) کے پنجاب صوبے  کے سیالکوٹ شہر میں ہوئی تھی۔ آپ کے دادا کشمیری پنڈت تھے، جو کشمیر کے سپرُو ذات کے براہمن  تھے۔ 19 ویں صدی میں، جب سکھ سلطنت کشمیر فتح کررہا تھا، تو ان کے دادا کا خاندان کشمیر سے پنجاب آکر بس گیا تھا اور اسلام مذہب کو اپنا لیا تھا۔ اقبال کے والد، شیخ نور محمد، ایک درجی تھے، آپ کے والد صاحب نے رسمی طور پر تعلیم نہیں حاصل کی تھی لیکن وہ ایک  مذہبی شخص تھے۔ اقبال کی ماں امام  بی بی ایک مقامی پنجابی مسلم تھی وہ ایک سنجیدہ اور نرم دل خاتون تھی اور اپنی تمام پریشانیوں کے باوجود بھی غریبوں اور پڑوسیوں کی مدد کرتی رہتی تھی۔ ان کی اس بات کا اثر اقبال پر بھی پڑا۔

اقبال نے چار سال کی عمر میں قرآن کو سیکھنے کے لئے مدرسہ میں داخلہ لیا۔ آپ نے عربی زبان اپنے استاد سید میر حسن سے سیکھی۔ آپ نے 1893 ء میں میٹرک کا امتحان پاس کیا اور 1895 ء میں انٹرمیڈیٹ  پاس کیا۔ اسی سال انہوں نے گورنمنٹ کالج یونیورسٹی میں داخلہ لیا جہاں سے 1897 ء میں آپ نے فلسفہ، انگریزی ادب اور عربی میں بیچلر کی ڈگری حاصل کی۔ 1899 ء  میں آپ نے ماسٹر  آف آرٹس کی ڈگری حاصل کی اور پنجاب یونیورسٹی میں پہلا مقام حاصل کیا۔ آپ اعلٰی تعلیم دریافت کرنے کے لئے 1905 ء میں انگلینڈ چلے گئے اور وہاں سے واپسی 1908 ء میں ہوئی۔ علامہ اقبال نے تین مرتبہ شادی کی، 1895 ء میں بیچلرس کی ڈگری کی پڑھائی کے دوران آپ نے پہلی شادی کریم بی بی کے ساتھ کی۔ اُن سے میراج بیگم اور بیٹے آفتاب اقبال ہوئے۔ اس کے بعد آپ نے دوسری شادی سردار بیگم کے ساتھ کی جو جاوید اقبال کی ماں تھی، اور پھر آپ کی تیسری شادی مختار بیگم کے ساتھ ہوئی۔  1933 ء میں اسپین اور افغانستان کے دورے سے واپس   آنے کے بعد، اقبال ایک پراسرار حلق کی بیماری سے گھر گئے۔ انہوں نے اپنے آخری سال چودہدری نياز علی خان کی مدد میں بتاۓ جو اُس وقت دارالاسلام ٹرسٹ انسٹیٹیوٹ کو پٹھان کوٹ کے قریب جمال پور اسٹیٹ میں قائم کرنے میں لگے تھے۔ اقبال نے 1934 ء میں قانونی پریکٹس چھوڑ دی اور بھوپال کے نواب کی طرف سے پینشن پانے لگے۔ اپنے آخری سالوں میں، آپ روحانی رہنمائی کے لئے لاہور میں مشہور صوفی علی حجویری کی درگاہ پر اکثر حاضری دینے جاتے تھے۔ اپنی بیماری کی وجہ سےکئی مہینے  تکلیف سہنے کے بعد آخر کار 21 اپریل 1938 کو آپ نے لاہور میں وفات پائی۔ آپ کا مقبرہ لاہور فورٹ کے حضوری باغ میں بادشاہی مسجد کی گیٹ کے قریب واقع ہے۔

کام:

     مولانا رومی کی شاعری اور فلسفہ اقبال کے دماغ پر گہرے اثرات رکھتے تھے۔ بچپن سے ہی اقبال، مذہب کے ساتھ گہرائی سے جُڑے ہوئے تھے۔ اسلام، اسلامی تہذیب اور اسلام کے سیاسی مستقبل آپ کے پسندیدہ عنوان تھے جن پر آپ لکھنا پسند کرتے تھے۔ اقبال نے اپنے کلام میں اکثر مولانا رومی کو اپنا رہنما مانا ہے۔ اقبال اپنے کلام سے مسلمانو کو اسلام کی شاندار تاریخ یاد دلایا کرتے ہیں۔ اقبال اپنی قوم کے لئے فکر مند تھے اس لئے مسلم ممالک کے اندرونی اور ان کے درمیانی اختلافات کی بھرپور مذمت کیا کرتے تھے۔ اقبال کے کلام کا کئی یورپی زبانوں میں ترجمہ کیا گیا ہے۔ بیسوی صدی کے ابتدائی حصے میں، آپ کے کام کی بڑی اہمیت رہی۔ آپ کے کلام اسرارِ خدی کو آر اے نیکولسن اور جاوید ناما کو اربیری نے انگریزی میں ترجمہ کیا ہے۔ اقبال کی پاکستان میں بہت عزت ہے، ان کے یومِ پیدائش کو وہاں 'اقبال ڈے' کے نام سے منایا جاتا ہے۔

اقبال کی بانگِ درا جو اردو نظم کا پہلا مجموعہ تھا 1924 ء میں شائع ہوا تھا۔ یہ ان کی زندگی کے تین مختلف مراحل میں لکھا گیا تھا۔ ان کی نظمیں جو 1905 تک لکھی گئی تھی ان میں وطن سے محبت کا جذبہ اور فلسفہ کی جھلک ملتی ہے، ان میں تراناۓ ہند اور تراناۓ ملّی شامل ہیں۔ پھر دوسرا مرحلہ 1905 سے 1908 ء کے بیچ کا ہے جب آپ یورپ میں مطالعہ کررہے تھے اس وقت نظموں میں آپ روحانی اور مذہبی جذبہ کو کھو چکے تھے اور مسلم برادری کی تاریخی اور ثقافتی ورثہ جیسے موضوعات آپ کو نظم و نسق لکھنے کے لئے حوصلہ دیتے تھے۔

اقبال نے اپنے کیریئر میں زیاداتر فارسی میں لکھا، لیکن 1930 ء کے بعد آپ نے خصوصی طور پر اردو میں لکھنا شروع کیا۔ اس مدت کے دوران، آپ نے  خاص طور پر ہندوستان کی مسلم عوام کو نگاہ میں رکھ کر لکھا۔ 1934 ء میں بالِ جبریل شائع ہوا  جو بہت سے مبصرین کی راۓ میں اقبال کی سب سے بہترین شاعری ہے جس کو آپ نے اسپین کے سفر سے متاثر ہوکر لکھا تھا۔

 اہم غزلیں:

     ☆ لاؤں وہ تنکے کہیں سے آشیانے...
     ☆ کشادہ دستِ کرم جب...
     ☆ نہ آتے ہمیں اس میں...
     ☆ سارے جہاں سے اچھا... (غزل پڑھیں)

     ☆ ستاروں کے آگے جہاں...

     ☆ کیا کہوں اپنے چمن سے...
     ☆ جنہیں میں ڈھونڈھتا تھا آسمانوں...
     ☆ تیرے عشق کی انتہا... (غزل پڑھیں)

     ☆ ظاہر کی آنکھ سے نہ تماشہ...
     ☆ سختیاں کرتا ہوں دل پر غیر سے...
     ☆ نگاہِ فقر میں شانِ سکندری...

     ☆ نالہ ہے بلبل شوریدہ تیرا...

     ☆ مجنوں نے شہر چھوڑ ا تو...

     ☆ انوکھی وضع ہے سارے زمانے سے...
     ☆ لا پھر اک بار وہی بادہ و جام...

     ☆ کہوں کیا آرزوئے بے دلی مجھ...
     ☆ کبھی اے حقیقت منتظر نظر... 

                              ●●●